आरति भगवद्गीतेची, हरीच्या अक्षरमूर्तीची!ध्रु.
मना हो पार्थ, जाण भावार्थ
कृष्ण दे हात, ऊठ तू गात
साध ही संधी भाग्याची!१
नियत जे कर्म, तुझा तो धर्म
जाण रे मर्म, सार्थ कर जन्म
परीक्षा पूर्ण जीवनाची!२
गात जा नित्य, स्मरूनी सत्य
करावे कृत्य, पाळुनी पथ्य
खुबी ही जीवन जगण्याची!३
कोण मी भान, "तोच मी" ज्ञान
तयाचे ध्यान, सुधेचे पान
माधुरी फिकी अमृताची!४
गुरूंची कृपा करुनि घे जपा
बैसवी तपा, स्वधर्मा जपा
प्रार्थना कृष्णा रामाची!५
रचयिता : श्रीराम बाळकृष्ण आठवले
३०.१२.१९९२
No comments:
Post a Comment