देह नाशवंत, आत चालक अनंत

देह नाशवंत, आत चालक अनंत 
आत चालक अनंत, वदे गुरु कृपावंत ! ध्रु. 

चित्‍त नामात गुंतावे 
विषयास विसरावे 
देह प्रारब्‍धा देउनी मने रहावे निश्चिंत!१   

दृश्‍यमान जे असते 
नाश पावतसे ते ते 
देह दृश्‍य तो जाणार – नच गुंतावे मोहात!२  

मुखे नाम हाती काम 
सखा एक आत्‍माराम 
देवासाठी देव हवा ठसू द्यावे हृदयात !३  

रचयिता : श्रीराम बाळकृष्‍ण आठवले 
गोंदवलेकर महाराज प्रवचन १९१ (९ जुलै) वर आधारित काव्‍य  
सद्गुरुंजवळ मी शरण आलो आहे असे म्‍हटले तर पुढचे काम ते करतातच