तू देहाहुनि असशि निराळा!

तू देहाहुनि असशि निराळा!ध्रु.

देहोऽहं ची होता भ्रांती 
बुद्धि फिरतसे देहाभवती 
मध्यरात्र ती समज श्यामला!१

दुःखी कष्टी म्हणुनी असशी 
द्वंद्वसागरी गोते खाशी 
जाग झडकरी या समयाला!२ 

' तो मी ' ऐसे घेता ध्यानी
मुक्त विहंगम विहरे गगनी
आत्मतृप्त तू रहा मोकळा!३ 

रचयिता : श्रीराम बाळकृष्ण आठवले
२३.११.१९७४ 

परी देहाहंमानभूली 
जयाची बुद्धि देहीच आतली 
तथा आत्मविषयी जाली 
मध्यरात्री गा 

या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १७४ वर आधारित काव्य.