सकल हृदयी राहिला हरि!

सकल हृदयी राहिला हरि! ध्रु.

सर्वसाक्षी तोचि आहे 
विश्वव्यापी नित्य आहे 
वदवि हे जो तो ही श्रीहरि ! १

कर्म जे हातूनि घडतें 
अर्पि ते ही श्रीहरी ते 
पूजि ऐसा सावळा हरि!२

मी न कोणी भिन्न आहे 
"तोच मी" होऊनि राहे
ध्येय-ध्याता-ध्यान श्रीहरि!३

रचयिता : श्रीराम बाळकृष्ण आठवले
चाल : उगीच का कांता, काफी

“तया सर्वात्मका ईश्वरा । 
स्वकर्मकुसुमांची वीरा 
पूजा केली होय अपारा । 
तोषालागीं । " [ १८ : ९१० ] 

ज्ञानेश्वरीतील या ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १८१ वर आधारित काव्य.