परमार्थाच्या मार्गावरती सावध सावध वर्तावे!

'सोऽहं हंसः' 

परमार्थाच्या मार्गावरती सावध सावध वर्तावे! ध्रु.

मना मुरडणे 
निर्मम होणे 
ब्रह्मरूप व्हायचे तयाने मोहि न कसल्या गुंतावे!१

दुराशा नको 
परिग्रह नको 
कामक्रोधरिपु वेष बदलती, जपून पाउल टाकावे!२

नव्हे देह मी
तो मी! तो मी!
अलिप्त राहुनि विषयांपासुनि अनुसंधाना राखावे!३

रचयिता : श्रीराम बाळकृष्ण आठवले
०४.१२.१९७४

“शिष्यशाखादिविलासें । मठादिमुद्रेचेनि मिसें । 
घातले आहाती फांसे । 
निःसंगा येणे ॥ " [ १८ : १०६४ ]

या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १८५ वर आधारित काव्य.