जडले नाते भगवंताशी !

जडले नाते भगवंताशी ! ध्रु. 

कर्मे करितां 
त्यातें स्मरता 
कळले 'मी अविनाशी!'१ 

तरंग वरिवरि 
मिळत सागरी 
समरसता ही तैशी!२

अभिन्नता ती
खरि शरणागति 
खूण बाणली कैशी?३

रचयिता : श्रीराम बाळकृष्ण आठवले
१३.१२.१९७४

सुवर्णमणी सोनिया । 
ये कल्लोळू जैसा पाणिया । 
तैसा मज धनंजया । 
शरण ये तूं ॥ [ १८ : १४०० ] 

या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १९४ आधारित हे काव्य.