हेच ज्ञान।

जीव ब्रह्मरूप !
विश्व ब्रह्मरूप!
"तो मी! तो मी!" हेंच ज्ञान
! हेच ज्ञान। ध्रु.

देव आहे कोठें ? 
देव नाही कोठें ? 
तयावीण ऐसे नाही रितें स्थान!१ 

ज्ञानें देहिं मुक्ती 
ज्ञाने मोक्षप्राप्ती 
देई शांति जीवा सोऽहं ध्यान ! २ 

लपे देव आंत 
वाटुली पहात 
साधकास सांगे हेच गीता गान! ३

रचयिता : श्रीराम बाळकृष्ण आठवले
०७.१२.१९७४

एथ अविद्यानाशु हैं स्थळ । 
तेणें मोक्षपादान फळ । 
या दोहींसी केवळ । 
साधन ज्ञान ॥ [ १८ : १२४३ ] 

ज्ञानेश्वरीतील या ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १८८ वर आधारित हे काव्य.