जे जे घडते ते ते सगळे त्याच्या इच्छेने!

जे जे घडते ते ते सगळे त्याच्या इच्छेने!ध्रु.

कर्तृत्वाची नको अहंता 
भार न घेणे कारण नसता 
रामनामजप करता होते जन्माचे सोने!१

जिथे तिथे रामाची सत्ता 
तो चालविता तो बोलविता 
मी माझे करणे रामार्पण रामाचे होणे!२

अहंपणाची घडो विस्मृती 
उपाधिविरहित व्हावी वृत्ती 
भगवंताचे होणे लाभे समाधान येणे!३

रचयिता : श्रीराम बाळकृष्ण आठवले 

गोंदवलेकर महाराजांच्या प्रवचनांमधील प्रवचन क्र. १६२, १० जून वर आधारित काव्य.