नामयाची जनी, म्हणते-
विठ्ठल मज सापडला!ध्रु.
विठ्ठल मज सापडला!ध्रु.
झाली विठ्ठलाची जोड
नाम सुधेहुन गोड
विठुराया आवडला!१
गेले शरण तयाला
सर्व वाहिले तयाला
भक्तीला प्रभु भुलला!२
दळू लागे मजसंगे
तोहि नाम घेउ लागे
बंदीच असा जाहला!३
पालटला देहभाव
जागा झाला आत्मभाव
अंधार लया गेला!४
बाप विठ्ठलाचा बोध
मावळले कामक्रोध
मम ठाव पुसुन गेला!५
रचयिता : श्रीराम बाळकृष्ण आठवले
०९.१२.१९८९
No comments:
Post a Comment