भारतमाते महन्मंगले, तुझ्या मंदिरी आलो
अमृतडोही बुडलो! ध्रु.
अमृतडोही बुडलो! ध्रु.
इथली माती इथला कणकण
त्यात हरवले माझे मीपण
तीर्थस्वरूप झालो! १
अंखड भारत अखंड भारत
या ध्यासाची मजला सोबत
धुंद फुंद मी झालो! २
समर्पणाचा निश्चय स्फुरला
या मातीचा टिळा लाविला
अध्यात्मच मी जगलो! ३
सगळ्यांची तू भारतमाता
कर्तव्याची तू सुरसरिता
पुरता मी पालटलो! ४
पुरता मी पालटलो! ४
संस्काराचे केंद्रच मंदिर
ॐकाराचा येथे जागर
धन्य पुजारी झालो! ५
राष्ट्र जगतसे हौतात्म्याने
भगवंताच्या आशीर्वचने
उजळत उमलत फुललो! ६
समाज जैसा तैसे मंदिर
जैसे मंदिर तैसे स्थिरचर
शुभसंस्कारे घडलो! ७
रचयिता : श्रीराम बाळकृष्ण आठवले
१५.१२.१९८७
No comments:
Post a Comment