श्रीमंत तोचि ज्यास समाधान!

आपले आपण घेणे समाधान!
श्रीमंत तोचि ज्यास समाधान!ध्रु.

हवे पण जावे
पुरे पण यावे
जेथ नोहे चिंता तेथ समाधान!१

रामासंगे सुख
रामाविण दुःख
नामस्मरणाने लाभे समाधान!२

चित्त स्थिर व्हावे
भक्तीत रंगावे
रामावरि निष्ठा हेच समाधान!३

रचयिता : श्रीराम बाळकृष्ण आठवले
गोंदवलेकर महाराज प्रवचन २२२, ९ ऑगस्ट वर आधारित काव्य

ज्याचे ‘ हवेपण ’ जास्त असते तो गरीब जाणावा, आणि ज्याचे हवेपण कमी असते तो श्रीमंत जाणावा. ज्याला नेहमी समाधान वाटते तोच खरा श्रीमंत. 
खरोखर, समाधानासारखे औषधच नाही. ते मिळत नाही म्हणून इतर औषधे घ्यावी लागतात. काळजी नाहीशी झाली की अखंड समाधान, शांती आणि आनंद मिळतो.