रामनाम, रामनाम, रामनाम गाऊ! मीहि राम, तू हि राम, त्यात राम पाहू !

रामनाम, रामनाम, रामनाम गाऊ!
मीहि राम, तू हि राम, त्यात राम पाहू!ध्रु.

ज्ञान नाहि भले नसो
राम अंतरात वसो
सद्भावे अनुभवुया देह हाच देहू!१

कर्तेपण जर सुटले
मन गंगाजल झाले
रामरंगि रंगुनिया रामरूप होऊ!२

विषयांचा कांचनमृग
भुलवुनिया करि तगमग
जाणुनि हे, रामचरण घट्ट धरुनि राहू!३

रचयिता : श्रीराम बाळकृष्ण आठवले
सोहनी, दादरा

(गोंदवलेकर महाराज प्रवचन २८४, १० ऑक्टोबर वर आधारित काव्य)