सोऽहं ध्यानी 'माधवनाथ'
नेमाने ते भेटत आत!ध्रु.
नेमाने ते भेटत आत!ध्रु.
जाता येता नाम स्मरता
गीता ज्ञानेश्वरी ऐकता
लाभाविण प्रीती करतात!१
मनात कुठला विचार नाही
क्षणभर जर हे घडून जाई
साधक ठाके हरिद्वारात!२
स्वरूप अपुले आनंदाचे
नित्य जवळ ते असावयाचे
श्रीहरि भवती तैसा आत!३
कोठे चुकते मला कळावे
अवगुण माझे मीच त्यजावे
सुधारणा हो हातोहात!४
देहाहुन मी पूर्ण निराळा
अभ्यासे हा अनुभव दिधला
श्रीस्वामी अनुसंधानात!५
रचयिता : श्रीराम बाळकृष्ण आठवले
२९/८/१९९५
No comments:
Post a Comment