श्रीराम जय राम जय जय राम!
दुर्गामंदिरी, मी शुभयोगे, चरणकमल पाहिले
त्या क्षणी रघुनाथा वरिले! ध्रु.
नरश्रेष्ठ हा पणास जिंकिल
संशय सगळे सहजचि फिटतिल
मनोदेवता विश्वासाने मजपाशी बोले! १
दुर्गापूजन मी करताना
मनी उमलली नवी भावना
मी जिव ते शिव नाते ऐसे आनंदे जुळवले!२
मानसपूजन श्रीरामांचे
गुणसंकीर्तन श्रीरामांचे
दुर्गापूजन नावापुरते हातुनि घडलेले!३
लज्जा भिववी, लज्जा खुलवी
लज्जा झुलवी, लज्जा नाचवि
दिवास्वप्न मी त्या विजयाचे औत्सुक्ये पाहिले!४
रचयिता : श्रीराम बाळकृष्ण आठवले
बिहाग आधा
मम आत्मा
No comments:
Post a Comment