चंदनसम झिजले काका
तसेच परिमळले!ध्रु.
तसेच परिमळले!ध्रु.
लेकरू हे माऊलीचे
ध्यान करिते श्रीहरीचे
मन गोविंदे वेधले!१
विरक्तीवरी त्यांची प्रीती
जगावेगळी जीवनरीती
परमहंस गमले!२
विवेकभास्कर हृदी तळपला
तापहीन परि जगास ठरला
प्रेमे डोळे डबडबले!३
नको मान वा नको उपाधी
सहजहि बसणे जणू समाधी
सुखसंवादी रंगले!४
स्मृतिसुमनांची अंजली
म्यां गुरुचरणी वाहिली
मन बहु भारावले!५
रचयिता : श्रीराम बाळकृष्ण आठवले
१३.०९.१९७५
No comments:
Post a Comment