श्रीस्वामी स्वरूपानंद जयजयकार करू!
अंशत्वे अवनीवर आले श्रीगुरु करुणाकरु!ध्रु.
अंशत्वे अवनीवर आले श्रीगुरु करुणाकरु!ध्रु.
दक्षिणेश्वरी रामकृष्ण जे
अलंकापुरी ज्ञानदेव जे
पावसेत पाहती साधका सोऽहं बोध करू!१
श्रीज्ञानेश्वरी तनिमनि मुरली
अभंगरूपे बहरुनि आली
ॐ रामकृष्णहरि जपता जपता मंगलस्नान करू!२
जगदंबेने खेळ दाविला
मरणाचाही करुन सोहळा
अमृतधारा अशा बरसल्या अमृतानुभव स्मरू!३
दृष्टीमध्ये ये वत्सलता
स्पर्शनातही अतिकोमलता
खोलीमधल्या खोलीमाजी आनंदे उतरू!४
नामसाधना करवुन घेती
अभ्यासाचा ध्यास लावती
परिस्थिती मग असो कशीही गाऱ्हाणे का करू?५
रचयिता : श्रीराम बाळकृष्ण आठवले
१५.०८.२००४
No comments:
Post a Comment