नाथा या सदनी यावे ऽऽ

ऑडिओ - नाथा या सदनी यावे

नाथा या सदनी यावे ऽऽ
अंगणी निरूपण व्हावे!ध्रु.

सद्गुरु जनार्दनस्वामी 
एकाच्या अंतर्यामी 
असतेपण लोपुनि जावे!१ 

ओवी वा छंद अभंग 
आळविता ये श्रीरंग 
पदि पैंजण बांधुनि यावे!२ 

गिरिजेसह यावे नाथा 
श्रीखंड्या मनि आतुरता
सद्भावसुमन उमलावे!३
 
भारूड झपाटुन टाको 
संशया दिगंतरि फेको 
मज सुस्थिर बसता यावे!४ 

भक्तीचा रांजण भरता 
घरकुल हे पैठण बनता 
भवभय हे विलया जावे!५ 

रचयिता : श्रीराम बाळकृष्ण आठवले
०५.०२.१९९७