ॐ नमो भगवते वासुदेवाय
चला भागवत वाचू या!
चला भागवत ऐकू या ! ध्रु.
मृत्युभयावर मात करू
हरिनामाचा गजर करू
भगवंताच्या अवतारांचे रहस्य काही जाणू या!१
कथेकथेतुन तत्त्वे भरली
उद्यानातुनि फुले उमलली
भावगंध हा पवन होउनी चहु दिशांना नेऊ या!२
समाधान हे आतच असते
अंतरि वळला त्याला दिसते
विकारवश ना चुकुन व्हायचे सावध प्रतिपळ राहू या!३
श्वासाचे नियमन घडता
मन अपुलेसे हे होता
नामाधारे प्रेमाधारे आयु सार्थकी लावू या!४
भगवद्भक्ती हा धर्म
श्रीहरिपूजन निजकर्म
कर्तव्याचे पालन घडता कृतार्थ आपण होऊ या!५
रचयिता : श्रीराम बाळकृष्ण आठवले
२२.०७.१९९६
No comments:
Post a Comment