रामा, राहो अनुसंधान निरंतर तुझेच अनुसंधान!

रामा, राहो अनुसंधान 
निरंतर तुझेच अनुसंधान!ध्रु. 

चित्ति वसाया रामा यावे 
नाम सदोदित गाउनि घ्यावे 
सरू दे जगताचेही भान!१

तुझी पाउले रामा धरिता 
नुरली कसली भवभयवार्ता 
स्फुरू दे तव भक्तीचे गान!२

ठेविशी जैसे तसे रहावे
गंगा नेइल तिकडे जावे 
यातच खचित खचित कल्याण!३

रचयिता : श्रीराम बाळकृष्ण आठवले 

गोंदवलेकर महाराज यांची प्रवचने मधील प्रवचन क्रमांक ३३५ (३० नोव्हेंबर) वर आधारित काव्य.