महोत्कट नाव तुझे, विनायक नाव तुझे - "गीत गणेशायन"

महोत्कट नाव तुझे, विनायक नाव तुझे -
"गीत गणेशायन"
कवि : श्रीराम बाळकृष्ण आठवले
संगीतकार : मोहिनीराज ओंकार

महोत्कट नाव तुझे

बालकाs बालकाss बालकाsss  

महोत्‍कट नाव तुझे

विनायक नाव दुजे ।। ध्रु ।।

भाल पाहिले, सुचिन्‍ह दिसले

लुकलुकताती इवले डोळे

वंदन घे अमुचे ।। १ ।।

सकल जगाला तारायाला

भूवरती तू असशी आला

पूजन करत तुझे ।। २ ।।

तुझीच आम्‍ही करत प्रार्थना

हाच गाइला तुला पाळणा

पालन कर अमुचे ।। ३ ।।

तुजमध्‍ये आकांक्षा केंद्रित

राष्‍ट्रोद्धारा होई उद्यत

करितो भजन तुझे ।। ४ ।।

बलवंताचे राष्‍ट्र जगतसे

विकीर्ण त्‍यांना कोण पुसतसे

संघच रुप तुझे ।। ५ ।।