तू असता जवळी
रामा, खंत मला कसली?ध्रु.
रामा, खंत मला कसली?ध्रु.
ज्यासि म्हणावे मी अन् माझे
त्यावरती सत्ता नच गाजे
खूण अशी पटली!१
तुझिया हाती सत्ता असता
मानवगति किस झाड का पत्ता
मानित तुज माउली!२
उपासनेमधि मजला ठेवी
बाळ आईच्या पानी जेवी
अमृत नामावली!३
रचयिता : श्रीराम बाळकृष्ण आठवले
गोंदवलेकर महाराज यांची प्रवचने मधील प्रवचन क्रमांक ३१५ (१० नोव्हेंबर) वर आधारित काव्य.
No comments:
Post a Comment