श्रद्धा वाढावी, राघवी श्रद्धा वाढावी
श्रीरामाने आस एकली माझी पुरवावी!ध्रु.
श्रीरामाने आस एकली माझी पुरवावी!ध्रु.
कर करिता काम
मुखाने गावे प्रभुनाम
सुधामधुरता माझ्या वचनी सहजपणे यावी!१
मन रंगो नामी
आवडी उपजो सद्धर्मी
सुखदुःखांतरि मनास स्थिरता रघुनाथा द्यावी!२
लाभो सत्संग
खुलू दे भक्तीचा रंग
हलके हलके वृत्ती माझी पूर्ण पालटावी!३
रचयिता : श्रीराम बाळकृष्ण आठवले
(गोंदवलेकर महाराज प्रवचन २९३, १९ ऑक्टोबर वर आधारित काव्य)
No comments:
Post a Comment