उजळणी करु या गीतेची!ध्रु.
आपआपले कार्य करावे
सदासर्वदा त्यास स्मरावे
जाणिव राखू काळाची!१
व्यवसायावर प्रेम करावे
समाजजीवन सुरळित व्हावे
उकल मग सर्व समस्यांची!२
स्वराज्य ध्यासच श्री टिळकांचा
मार्ग एकला संघर्षाचा
सिद्धता कष्ट सोसण्याची!३
व्यायामाने, अभ्यासाने
सुसंपन्न माणूस घडवणे
शिकवण मार्ग शोधण्याची!४
दोष शक्यतो टाळायाचे
चुकता चुकता शिकावयाचे
प्रेरणा जीवन जगण्याची!५
गीता ऐके, सांगे, गातो
श्रीहरिचा आवडता होतो
गीता आकृति कृष्णाची!६
कृष्ण कृष्ण म्हण येता जाता
कळेल गीता गाता गाता
श्रद्धा कवि श्रीरामाची!७
रचयिता : श्रीराम बाळकृष्ण आठवले
२१.१२.२००९
No comments:
Post a Comment