सोऽहं हे साधन हरीचे भजन
नुरो देते क्षणभर भिन्नपण! ध्रु.
नुरो देते क्षणभर भिन्नपण! ध्रु.
अभ्यास! अभ्यास!!
हाच निदिध्यास
तेणे हाती लागे जनार्दन! १
गुरुमाऊलीने
स्पर्शे केले सोने
सोऽहं रूपी दिधले संजीवन! २
भक्तिभाव वाढे
हरि ठाके पुढे
अभ्यासे पटते ज्याची त्यास खूण! ३
सोऽहं चा हिंदोला
प्रेमे झोका दिला
स्वरूपी ये निद्रा हेच समाधान! ४
रचयिता : श्रीराम बाळकृष्ण आठवले
२४.०४.१९७४
No comments:
Post a Comment