अलख निरंजन! अलख निरंजन!

अलख निरंजन! अलख निरंजन!ध्रु.

नाथपंथ आगळा आपला
जगी वावरुन जगावेगळा
काटक काया, बळकटही मन
पाणीदारच असती लोचन!१

आदिनाथ जय आदिगुरु जय
चेला चेला पुरता निर्भय
भ्रष्टाचारावरी घसरता
भाषणात मेघांचे गर्जन!२

का कोणाचे मिंधे व्हावे
का कोणाला विकले जावे
स्वतंत्र वृत्ती वनराजाची
ब्राह्मक्षात्रतेजांचे मीलन!३

मालुकवीचे ऋण हे भारी
दीनदु:खितांचा कैवारी
बाणा न्यारा या पंथाचा
आत्मज्ञाने उजळे जीवन!४

भेदांच्या कोसळता भिंती
सगळे सज्जन समरसताती
अनुभूती ही ज्याची त्याला
लाभावर ना मुळी नियंत्रण!५

रचयिता : श्रीराम बाळकृष्ण आठवले
९.४.२००४