दीप उजळले! दीप उजळले!!
दीपोत्सव हा अभिनव विश्व बहरले!ध्रु.
दीपोत्सव हा अभिनव विश्व बहरले!ध्रु.
नाही जरि तेल मिळे
काय कुणाचे अडले
दीपपात्रि उदक जरी ज्योत ती जळे!१
लखलखले दीप सर्व
नष्टभ्रष्ट तिमिर गर्व
कुत्सित जे जन त्यांचे, नकळत कर जुळले!२
पाझरती लोचने
शरमिंदी खलवदने
द्वारका प्रकाशली, भक्तिकमल उमलले!३
रचयिता : श्रीराम बाळकृष्ण आठवले
(श्री साईनाथ चरित्रातील एका प्रसंगावर आधारित काव्य)
No comments:
Post a Comment