महात्मा गांधी हा जप करा
आतल्या रामाचा कर धरा!ध्रु.
आतल्या रामाचा कर धरा!ध्रु.
भाषा ही शब्दांची नसते
भाषा तर हृदयाची असते
श्रद्धा श्वासच अपुला करा!१
या सत्याच्या मार्गावरती
निखारेच जणु फुलले असती
तरीही सत्याग्रह तुम्ही करा!२
विवेक ज्या त्या हृदयी असतो
खचितच जागा करता येतो
आसरा हिंसेचा नच धरा!३
जग हे जगते प्रेमाखातर
जग हे मरते प्रेमाखातर
सुजनहो विचार यावर करा!४
साधे जगणे उच्च विचार
विचार तैसा हो आचार
पारख अपुली आपण करा!५
रचयिता : श्रीराम बाळकृष्ण आठवले
२२.०६.२००१
No comments:
Post a Comment