असे हे रामायण आहे

ऑडिओ - असे हे रामायण आहे

असे हे रामायण आहे!ध्रु.
 
मर्यादा पुरुषोत्तम राघव 
रामनाम घे त्याला आळव 
देह अयोध्या - त्या नगरीचा 
राजा आत्मा आहे!१ 

वियोगातुनी काव्यनिर्मिती
इतिहासाची सजीव मूर्ती 
रामकथा गाता नि ऐकता 
समाधान फल आहे!२ 

संवादातlतुन निवेदनातुन 
स्वगतातुन ते मनामनातुन 
राजाराम जय सीताराम 
अमृतसंचय आहे!३ 

सत्यासाठी नीतीसाठी 
उतरायाची कठिण कसोटी 
सर्वस्वही ते पणा लावणे 
दाहक संजीवन हे!४ 

चला सुजन हो राम जागवू 
घराघरातुन तया आणवू 
बलसंवर्धन गुणसंवर्धन 
ध्येय खुणावत आहे!५ 

रचयिता : श्रीराम बाळकृष्ण आठवले
२३.०५.२००४