कधि होइन देहातीत? कधि दिसेल मज भगवंत?

कधि होइन देहातीत? कधि दिसेल मज भगवंत?ध्रु.

मी नच देही, मी नच देही
या देही होईन विदेही
कर्तेपण घालविण्या व्हावे लागे उत्तम भक्त!१

वृत्ती रामाकार बनावी
विषयाची आवड संपावी
आसक्तीतुनि करी मोकळा, करि मज विषयी विरक्त!२

उंबरठ्यावर दिवा ठेवला
उजेड लाभे दोन्हि बाजुला
अनुसंधानहि तैसे वाटे - उपजो भक्ती प्रीत!३

रचयिता : श्रीराम बाळकृष्ण आठवले
(गोंदवलेकर महाराज प्रवचन २७१, २७ सप्टेंबर वर आधारित काव्य)