सर्व काही माझे वाटो रामराया!

सर्व काही माझे वाटो रामराया!
रामराया! रामराया!ध्रु.

घडावी ती सेवा
प्रिय जीच देवा
माझा राम देई मज माउलीची माया!१

खरा कर्ता राम
खरा दाता राम
काय उणे त्याला ज्याच्या जगी रामराया!२

दिले त्यात समाधान
वाटे ज्यास तो सुजाण
रामनाम येता मुखे शिरी धरी छाया!३

रचयिता : श्रीराम बाळकृष्ण आठवले

गोंदवलेकर महाराज प्रवचन क्रमांक २०९, २७ जुलैवर आधारित काव्य.

राम कर्ता म्हणेल तो सुखी, मी कर्ता म्हणेल तो दुःखी.
आपल्या जीवनामधली प्रत्येक क्रिया ही रामाच्याकरिता व्हावी. 
सर्व काही राम करतो, खर्रे कर्तेपण रामाचे, हे नीट लक्षात आणून, भगवंताकडे कर्तृत्व द्यावे आणि आपण मीपणाने नाहीसे व्हावे.