माझा कैसा होईल राम?

माझा कैसा होईल राम? ध्रु.

कवित्व त्याचे
गायन त्याचे
होइन का निष्काम?१

रामचि गातो
राम ऐकतो
श्रोता गायक राम!२

विषयी विरक्ती
रामी प्रीती
पालट घडविल नाम!३

रचयिता : श्रीराम बाळकृष्ण आठवले
गोंदवलेकर महाराज प्रवचन क्रमांक २४७, ३ सप्टेंबर वर आधारित काव्य

भगवंत माझा कसा होईल याचा आपण विचार करावा. भगवंताच्या प्राप्तीसाठी भक्ती हे सर्वांत श्रेष्ठ साधन सांगितले आहे.

प्रत्येक नामात ‘ भगवंत कर्ता ’ असे म्हणावे, म्हणजे अभिमान वाट अडवणार नाही.