सकल हृदयि मी राहतसे सोऽहं भावी सदा वसे!

सकल हृदयि मी राहतसे
सोऽहं भावी सदा वसे!ध्रु.

देहाविषयी ना आसक्ती
लाभाविण करिता प्रीती
ती ओळख पटता मीच हसे!१

' मी आत्मा ' प्रत्यय हा येता
निजसंगे भक्ते मज नेता
ते प्रेमसूत्र मज बांधतसे!२

जे स्वरूपाचे अनुसंधान
ते योग, भक्ति तैसे ज्ञान
साध्य होत नित्याभ्यासे!३

रचयिता : श्रीराम बाळकृष्ण आठवले
१५.१०.१९७४

परि संतांसवे वसता
योगज्ञानी पैसता 
गुरुचरणी उपासिता
वैराग्येसी 

येणेचि सत्कर्मे 
अशेषही अज्ञान विरमे 
जयाचे अहं विश्रामे
आत्मररूपी
 
या ज्ञानेश्वरीतील ओव्यांवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १५२ वर आधारित काव्य.