गुरुवंदन

त्या सद्गुरूला नमन असो (ऑडिओ)

त्या सद्गुरुला नमन असो!ध्रु.

मायमाउली जीवन घडवी 
मंगल ते वदनातुन वदवी 
स्मरण तिचे निशिदिनी असो!१

कठोर गमती आतुन प्रेमळ 
वडील गंगेसमान निर्मळ 
तातचरणि मन वसो वसो!२

हासत खेळत शिक्षण देती 
जीवनास या वळण लावती 
सकलगुरुजनां नमन असो!३

श्रीगुरु नसती कोणी व्यक्ती 
संजीवक सत्प्रेरक शक्ती 
अंतःस्थाला नमन असो!४

आत्मरूप ते ध्यानी यावे
निमिष मोटके देत असावे 
श्रीरामा औत्सुक्य असो!५

रचयिता : श्रीराम बाळकृष्ण आठवले
अल्बम : अण्णांची गाणी
(शुभचिंतन मधून)