गीता कळते गाता गाता
श्रद्धेने अभ्यास चालता!ध्रु.
श्रद्धेने अभ्यास चालता!ध्रु.
गीते झरझर लिहिली जाती
चाली भावानुकूल सुचती
अंगी येई पार्थयोग्यता!१
संस्कृत भाषा बोजड नाही
प्रेमाने सवयीची होई
तृषा भागवी ही सुरसरिता!२
धर्म, सत्य नि कशी अहिंसा
सुंदर ऐसी ती मीमांसा
"तो मी" कळते बघता बघता!३
कर्ता मी हा गर्वच नाही
फळ मजला हव्यासच नाही
जरामरण याची ना चिंता!४
द्वंद्वे सरली त्रिगुण लंघिले
भाग्य उजळले, भाग्य उजळले
धर्म तिथे जय खात्री पटता!५
रचयिता : श्रीराम बाळकृष्ण आठवले
१ ऑक्टोबर २००४
शुक्रवार, भाद्रपद संकष्ट चतुर्थी
No comments:
Post a Comment