मुरलीधर माधव आला!
गीतेत 'मुरावे' वदला ! ध्रु.
गीतेत 'मुरावे' वदला ! ध्रु.
श्रीगीता गंगासरिता
घालिते न्हाऊ तुज आता
श्रीकृष्ण बनवितो चेला! १
या मनास सुमन करावे
श्रीहरिचरणी अर्पावे
उद्धार तुझा बघ झाला!२
वसुदेवसुतकरी वेणू
त्या गोपाळाची धेनू
हरिपदा चाटते कपिला!३
गीतेच्या अभ्यासाने
घे दर्शन तू नेमाने
ना खंड पडो ध्यानाला! ४
सोऽहं हे गीतासार
जीवना खरा आधार
ना तुलना तव भाग्याला!५
जय कृष्ण कृष्ण तू म्हणता
नावरेल गहिवर चित्त
श्रीराम वरित मौनाला!६
रचयिता : श्रीराम बाळकृष्ण आठवले
२४.१२.२००८
No comments:
Post a Comment