माझ्या भक्तांलागी कुठली संसाराची चिंता?ध्रु.
सर्व भार माझ्यावर
टाकताति निरंतर
कोरान्न का मागे कधी समर्थाची कांता?१
जे जे घडे हातातून
मलाच ते समर्पून
राहतात मोकळे त्या काय करे गुंता?२
देहभाव मावळतो
जन्म मरण फेरा टळतो
सोऽहं साधनेत रमता काय उणे भक्ता?३
रचयिता : श्रीराम बाळकृष्ण आठवले
१६.०७.१९७४
एऱ्हवी तरी माझिया भक्ता
आणि संसाराची चिंता
काय समर्थाची कांता
कोरान्न मागे?
या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक ११५ वर आधारित काव्य.
काफी, केरवा भजनी धुमाळी
No comments:
Post a Comment