मी सांगतो तुला रे - निष्काम प्रेम भक्ती!

मी सांगतो तुला रे - 
निष्काम प्रेम भक्ती!ध्रु.

जनकारणी झिजावे
त्यागात दंग व्हावे
अस्तित्व वेगळे ना
ऐसी विशुद्ध रीती!१

हे भक्ति हे चि ज्ञान
हे ध्येय हेच ध्यान
नच कामनांस थारा
निरपेक्ष दिव्य प्रीती!२

जगि एक तोच भक्त
पळ ही न जो विभक्त
तो अंतरात माझ्या 
होऊन राहि मूर्ती!३

रचयिता : श्रीराम बाळकृष्ण आठवले
२२.०७.१९७४ 

गेला दरिया पार , केरवा

जयाचिया ठायी पांडवा
अपेक्षे नाही रिगावा
सुखासि चढावा
जयाचे असणे

या ज्ञानेश्वरीतील ओवी वर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १२१ वर आधारित काव्य.