भाग्यवान तो, ज्याला राम भेटला!ध्रु.
नामामृत सेवितसे
आनंदे डोलतसे
अश्रूंचा पूर अजि नयनि लोटला!१
अहंकार लव न त्यास
रामाचा नम्र दास
भक्तीने रामचंद्र विकत घेतला!२
' देह नव्हे मी ' कळले
सोऽहं मय जग सगळे
घेइ मोद वितरी मोद छंद आगळा!३
रचयिता : श्रीराम बाळकृष्ण आठवले
गोंदवलेकर महाराज प्रवचन क्रमांक ३०५, ३१ ऑक्टोबर वर आधारित काव्य.
ज्याला भगवंत भेटला तो खरा भाग्यवान. भगवंत आपल्याला भेटणे हे प्रत्येकाने जीवनातले मुख्य कार्य समजावे.
No comments:
Post a Comment