चित्त शुद्ध होण्या प्रभूसी भजावे..

चित्त शुद्ध होण्या प्रभूसी भजावे!ध्रु.

दोष दुसऱ्याचा दिसू नये डोळा
चित्ति जागा व्हावा भक्तिभाव भोळा
याचसाठि रामा शरण रिघावे!१

दासबोध हाच सांप्रत सत्संग
बोध बाणताच भक्तिस ये रंग
साधुपण अंगी हळू मुरवावे!२

साधनात मज सद्गुरु दिसावा
आचरणी बोध काही तरी यावा
आयुष्यच सारे तीर्थयात्रा व्हावे!३

रचयिता : श्रीराम बाळकृष्ण आठवले
(गोंदवलेकर महाराज प्रवचन २०१, १९ जुलै वर आधारित काव्य)
सद्गुरु ने सांगितलेल्या साधनात राहिल्यानेच गुरुभेटीचे सार्थक होते.