माझा भार दत्तावरी!
तो परमहिताचे करी! ध्रु.
तो परमहिताचे करी! ध्रु.
दत्त फिरवितो तैसा फिरतो
दत्त वदवितो तैसा वदतो
झोळी खांद्यावरी! १
दत्तनाम या मुखात येते
तहान सरते, भूक न उरते
छत्र मस्तकावरी! २
तन दत्ताचे मन दत्ताचे
मन दत्ताचे धन दत्ताचे
दत्त वदे वैखरी! ३
मी माझेपण नकळत सरते
कणकण काया मम मोहरते
नयनी अश्रूसरी! ४
जेथे जातो दत्तच तेथे
गुरुदत्ताची प्रचीति येते
नाचतात लहरी! ५
रचयिता : श्रीराम बाळकृष्ण आठवले
२४.०१.१९८९
नारायण महाराज केडगाव यांच्या चरित्रावरील काव्यातील हे एक काव्य
No comments:
Post a Comment