तुझा विसर न व्हावा
रामा, हाच वर द्यावा!ध्रु.
रामा, हाच वर द्यावा!ध्रु.
व्हावे सर्वस्वी अर्पण
आम्ही तुज दयाघन
मग कृपेचा श्रावण घनघोर बरसावा!१
अनुसंधान राहू दे
पूर्ण निश्चिंत होऊ दे
अहंकारवारा रामा तुझ्या दासा न लागावा!२
मन ऐसे व्हावे धीट
मानो विषयाचा वीट
वाढो तुझ्या नामी प्रीती जोर साधनेत यावा!३
रचयिता : श्रीराम बाळकृष्ण आठवले
(गोंदवलेकर महाराज प्रवचन २९४, २० ऑक्टोबर वर आधारित काव्य)
No comments:
Post a Comment