सोडुनि दे नोकरी, गणू रे सोड सोड नोकरी!ध्रु.
बूट पुसाया काय जन्मलो?
विसरलास का येथे आलो!
करावी रामाची चाकरी! १
तुझी काळजी भगवंताला
कारण नसता भिसी कशाला?
ठेवि तव ओझे रामावरी! २
कल्याणास्तव तुझ्या सांगतो
पांगुळगाडा टाकुनि दे तो
पंगु हि लंघित गिरी! ३
कवित्व आहे तुझ्या ठिकाणी
ते लावावे रामकारणी
संकीर्तन तू करी! ४
मोह सोड तू अशाश्वताचा
करि विचार तू “मी कोणाचा?”
हो जागृत झडकरी! ५
रचयिता : श्रीराम बाळकृष्ण आठवले
No comments:
Post a Comment