आठवणीतील गुरुदेवा

आठवणीतील गुरुदेवा 
करवुनि घ्या काही सेवा!ध्रु. 

धर्म सनातन, त्याचे पालन 
श्री गुरुपूजन शुद्ध आचरण
स्वरूपचिंतन हा मेवा!१ 

बसल्या ठायी येते जाता 
शरीर हे रोमांचित होता 
देता दर्शन गुरुदेवा!२ 

कर्ता भोक्ता श्रीनारायण 
स्वस्थ बसावे शिकवी वामन 
अनुग्रहच आहे बरवा!३ 

करुणाकर ही वामनमूर्ती 
वर्ण केतकी सुवर्णकांती 
रसाळ गाणी नित लिहवा!४

अन्न ब्रह्म हे प्रसाद बोले 
आनंदाने डोळे भरले 
कृतज्ञ आम्ही गुरुदेवा!५

रचयिता : श्रीराम बाळकृष्ण आठवले
२६.०६.२००७