ठाव चरणिं मज द्यावा
आलो शरण स्वरूपानन्दा ! ध्रु.
आलो शरण स्वरूपानन्दा ! ध्रु.
सोऽहं ध्यानी प्रगती व्हावी
या देही मुक्ती लाभावी
वन्दन पदारविन्दा! १
उदात्तता आचरणी यावी
मार्दवता भाषणी खुलावी
मूर्तिमन्त आनन्दा! २
विशालता द्या, निर्मळता द्या
अगाधता द्या, जिज्ञासा द्या
वितरा मोदमरन्दा! ३
देहभावना विलया जावी
सोऽहं जाणिव फुलुनी यावी
शिकवा या मतिमंदा! ४
रचयिता : श्रीराम बाळकृष्ण आठवले
२३.०३.१९७४
No comments:
Post a Comment