सज्जनगडला चला,
सुजन हो, सज्जनगडला चला!ध्रु.
सुजन हो, सज्जनगडला चला!ध्रु.
वायुलहर अंगावर येते
पाउल भरभर पुढती पडते
चिंतन करुया चला!१
समर्थ जेथे, मारुती तेथे
मारुती तेथे, राघव भेटे
अनुभव घ्या, घ्या, चला!२
चढण चढाया सोपी जाई
रामदास गुरु संगे राही
नेट धरुया चला!३
केविलवाणे कशास व्हावे
यत्न देव पुरते जाणावे
स्तोत्र आळवा चला!४
थंडीही उबदार होतसे
पाऊस गुलाबपाणी भासे
हासत खेळत चला!५
रचयिता : श्रीराम बाळकृष्ण आठवले
१८.१०.२००४
No comments:
Post a Comment