गुरुदेवा, मज हा वर द्यावा
सुसंवाद अपुल्याशी व्हावा!ध्रु.
सुसंवाद अपुल्याशी व्हावा!ध्रु.
अभ्यासाची आवड लागो
न्यायनीतिने मानस वागो
दत्तनाम हा परमविसावा!१
नयन मिटावे दर्शन व्हावे
अंत:करणी आपण यावे
आचरणी ओलावा यावा!२
स्वस्थ आसनी बसता बसता
उपासना ही सहज वाढता
भक्तिमार्ग ना कधी सुटावा!३
रचयिता : श्रीराम बाळकृष्ण आठवले
२२.०२.१९८६
(श्रीसद्गुरु साधक सुसंवाद या पुस्तकावरून सुचलेलं काव्य)
No comments:
Post a Comment