इथे तिथे तू भगवंता मीहि तूच तू भगवंता..

इथे तिथे तू भगवंता
मीहि तूच तू भगवंता!ध्रु.

दुःख कशाला
सुखमय त्याला
एकभाव ऐसा ठसता!१

भाव प्रबळे
शब्द पांगुळे
आनंदाश्रू हे झरता!२

गुरुची आज्ञा
सकला मान्या
तिच्यात दिसशी भगवंता!३

नामचि घ्यावे
काम करावे
कर्तव्य हि तू भगवंता!४

रचयिता : श्रीराम बाळकृष्ण आठवले
(गोंदवलेकर महाराज प्रवचन २१६, ३ ऑगस्ट वर आधारित काव्य)
भगवंताशी एकरूप झाल्यावर सर्व आनंदच आहे.