राम कर्ता, राम कर्ता ही असू दे भावना

राम कर्ता, राम कर्ता ही असू दे भावना
नाहिशा होतात तत्क्षणि शोक, चिंता, वासना!ध्रु.

नाम देते राम हाती
नाम राही नित्य पाठी
राहु नामी निश्चयो हा तुष्ट करितो तनमना!१

राम म्हणता काम आटे
शूल ही मग पुष्प वाटे
द्वंद्व मिटता देव भेटे - काळजी नारायणा!२

नाम ऐसे शस्त्र आहे
विषयप्रेमा जाळताहे
आग होते शांत सारी गंध लाभे चंदना!३

रचयिता : श्रीराम बाळकृष्ण आठवले
(गोंदवलेकर महाराज प्रवचन २२१, ८ ऑगस्ट वर आधारित काव्य)