जीवन सुखदुःखांचा काला
हरिभक्तांना प्रसाद गमला !ध्रु.
हरिभक्तांना प्रसाद गमला !ध्रु.
जन्मासंगे मृत्यु जन्मतो
कुणी मित्र तर शत्रु कुणी तो
तो ज्ञानी हे भान जयाला ! १
धैर्याने ते दुःख सहावे
सावधतेने सुख भोगावे
भुरळ न पडते हरिभक्ताला ! २
द्वंद्वामध्ये नच गुंतावे
नव्हे देह मी हे बिंबावे
लाग साधका अभ्यासाला! ३
जो योगी त्या शत्रु मित्र सम
जो योगी त्या हारजीत सम
धैर्यमेरु तो योगी गमला !४
रचयिता : श्रीराम बाळकृष्ण आठवले
६ मार्च १९९५ (योग्य जीवनदृष्टी वाचताना)
No comments:
Post a Comment