मूर्ती येऊ दे, जाऊ दे
गणपतिबाप्पा नित्याचा
हृदयी वसला, मनात ठसला
मंगलमूर्ती सगळ्यांचा !ध्रु
गणपतिबाप्पा नित्याचा
हृदयी वसला, मनात ठसला
मंगलमूर्ती सगळ्यांचा !ध्रु
हा नांदे मूलाधारी
योग्यांना रुचला भारी
उगम असे वक्तृत्वाचा !१
उगम असे वक्तृत्वाचा !१
लंबोदर श्रीगजानन
भालचंद्र हा त्रिलोचन
आदर्शच नेतृत्वाचा !२
सूक्ष्मदृष्टी कशी असे?
घेत दूरचे कानोसे
हा तर राजा रसिकांचा!३
मूषक अंकित झालासे
वाहक त्याला बनवि कसे ?
आश्चर्यच आश्चर्याचा !४
नित्य साधता संवाद
मिलिंद सेवी मकरंद
नायक अथर्वशीर्षाचा!५
म्हणा मोरया मोरया
गेले सारे दुःख लया
ठेवा ब्रह्मानंदाचा!६
चैतन्याचा हा गाभा
निष्प्रभ करतो इंद्रसभा
हा नंदन शिवगौरींचा !७
रचयिता श्रीराम बाळकृष्ण आठवले
१.९.२००४
No comments:
Post a Comment